Душанбе, 19-уми октябри соли 2023
Ба таваҷҷуҳи довталабони Донишгоҳи миллии Тоҷикистон расонида мешавад, ки бинобар оғоз шудани корҳои омодагӣ ба ташкилу баргузории имтиҳонҳо барои ин довталабон давраи сеюми иловагии бақайдгирӣ аз рӯйи ихтисосҳои донишгоҳи мазкур 19-уми октябри соли 2023 ба анҷом расонида шуд.
Тибқи нақша имтиҳонҳо барои довталабоне, ки дар давраи сеюми бақайдгирӣ ихтисосҳоро аз Донишгоҳи миллии Тоҷикистон интихоб кардаанд, рӯзи 22-юми октябри соли 2023 баргузор карда мешавад. Дар ин бора ба ҳар як довталаб паёмаки телефонӣ фиристода мешавад. Маълумоти иловагӣ дар ин хусус то рӯзи 21-уми октябр дар сомонаи Марказ низ ҷойгир карда мешавад.
Ба довталабон тавсия медиҳем, ки зуд-зуд бо хабару эълонҳо дар сомонаи Марказ шинос шаванд.
Инчунин, дар сурати дастрас нагардидани паёмаки телефонӣ дар бораи макон ва замони имтиҳонсупорӣ ва ё норавшании масъалаҳои марбут ба имтиҳонҳо бо телефонҳои 224 53 67 ва 224 53 68 дар тамос шаванд.
