Душанбе, 5-уми декабри соли 2018
Маркази миллии тестии назди Президенти Ҷумҳурии Тоҷикистон дар шаҳри Бохтар баробари корҳои таблиғотиву иттилоърасонӣ, ҳамчунин барои муайян намудани сатҳи омодагии хатмкунандагони муассисаҳои таълимии таҳсилоти миёнаи умумӣ ба имтиҳонҳои марказонидаи дохилшавӣ ба муассисаҳои таълимии таҳсилоти миёна ва олии касбӣ бо онҳо санҷишу озмоишҳо мегузаронад.
Бо ин мақсад бо дастгирии шуъбаи маорифи ноҳияи Ҷалолиддини Балхӣ дар муассисаҳои таълимии таҳсилоти миёнаи умумии рақамҳои 1 ва 10-уми ин ноҳия имтиҳони озмоишӣ аз қисми А (имтиҳони умумӣ) бо иштироки 225 нафар хатмкунандаи муассисаҳои таълимии ноҳияи мазкур гузаронида шуд. Ҷараёни имтиҳони озмоишӣ мисли имтиҳонҳои воқеӣ назорат карда шуда, ҳар як хонанда аз натиҷаи имтиҳон воқиф карда шуд.
Бо гузаронидани чунин озмоишҳо хонандагон сатҳи донишу маҳораташонро барои тайёрӣ ба ИМД аз қисми А(имтиҳони умумӣ) санҷида, барои супоридани ин қисм тайёрии хуб мебинанд.
