Душанбе, 7-уми сентябри соли 2025
Ба таваҷҷуҳи шахсони хоҳишманди иштирок дар даври сеюми имтиҳонҳои марказонидаи дохилшавӣ ба муассисаҳои таълимии таҳсилоти миёна ва олии касбии Ҷумҳурии Тоҷикистон расонда мешавад, ки нуқтаҳои бақайдгирӣ дар шаҳру ноҳияҳои ҷумҳурӣ рӯзҳои якшанбе ва душанбе (7-ум ва 8-уми сентябри соли 2025) фаъолият мекунанд. Хотиррасон мекунем, ки реҷаи кор дар нуқтаҳои бақайдгирӣ аз соати 08:00 то 16:00 муқаррар карда шудааст.
Ба шахсони хоҳишманди иштирок дар ин даври имтиҳонҳо тавсия медиҳем, ки барои номнависӣ аз ин рӯзҳо истифода намоянд, зеро маъмулан дар ин рӯзҳо дар нуқтаҳои бақайдгирӣ теъдоди довталабон кам аст. Инчунин ёдовар мешавем, ки то анҷоми муҳлати давраи сеюми бақайдгирии довталабон, ки 13-уми сентябр муқаррар гардидааст, ҳамагӣ 6 рӯз мондааст.
