Довталабони азиз!

Имтиҳонҳои марказонидаи дохилшавӣ аз 2 компонент иборат аст:

Компоненти А– тести умумӣ, саволномаи тестии дорои 3 субтест аз 4 фан. Барои ҳамаи довталабон ҳатмист.

Компоненти Б– тести ихтисос, вобаста ба гурӯҳи ихтисосҳо (кластер)-и интихобкардаи довталаб аз се фан иборат аст.

Дар китобчаи тесте, ки дар рӯзи имтиҳон барои ҳар яки Шумо пешниҳод карда мешавад, маводи ёрирасон ҷой дода шудааст.

Аз ҷумла, дар саҳифаҳои охири китобчаи тест вобаста аз фанҳои дақиқи имтиҳонӣ (математика, физика ва химия) ҷадвалу формулаҳо, системаи даврии элементҳои химиявии Д. И. Менделеев ва ҷадвали ҳалшавандагии кислотаҳо, асосҳо ва намакҳо дар об оварда шудааст.

Ғайр аз ин, барои фанҳои дақиқи имтиҳонӣ  дар охири ҳар як саҳифаи китобчаи тест ҷой барои сиёҳнавис ҷудо карда шудааст. 

Таъкид мекунем, ки дар рафти имтиҳонҳои марказонидаи дохилшавӣ истифода бурдани: 

- маҳлули сафедкунанда (штрих),

- воситаҳои алоқа,

- воситаҳои электронии ҳисоббарор (калкулятор ва ғайра),

- маводи ёрирасон (шпаргалка) ва амсоли ин

МАНЪ АСТ.

Ба имтиҳон метавонед ТАНҲО ду дона ручкаи одии шаффофи рангаш сиёҳро дароред.

Дар ҳолати вайрон кардани талабот ё рад кардани иҷрои он мутасаддиёни баргузории имтиҳон (роҳбари маркази имтиҳонӣ ва маъмурони маркази имтиҳонӣ) ҳуқуқи аз имтиҳон хориҷ кардани Шуморо доранд.